على مفرق بدايات الجروح ودمعة المقهور

سلااام
مساء الجووري
مسساء الشعر والاحساس والطيبه

على مفرق بدايات الجروح ودمعة المقهور
عرفت ان الزمن لا شان وجهه ماتت آمالي

أشوف الحزن ماخلا على وجه البسيطه نور
اجر الصوت واغني على جرحي وترحالي

اوسع خاطري وادري تضيق من الهموم صدور
وعسى الله مايطول ضيقة الخاطر على بالي

على كثر اتجاهات الوسيعه مالقيت اعبور
اشوف الكون بعيون الجريح وغربته جالي

على كثر المواجع والأسى ياحظي المعثور
امني خاطري واضحك من همومي على حالي

اخفي بعض مافيني وبعضي لاحكى معذور
مدام العمر ماوقف على حزني ولا اطلالي

انا مالوم اغصان الشجر لا ودعت عصفور
مدام العش ذكرى وش بقى للريح تغتالي

على حر المشاعر وش بقى يا صدري المهجور
نساك الود وعروقك جفاف(ن) مالها والي

تمادى الليل بعيون السهر يالخاطر المكسور
وانا مملك من الماضي سوى همي وغربالي

مع ذاك الحنين اللي سرى في ظلمة الديجور
شحب وجه الزمان اللي بغيت ولا تهيالي

يطول الصمت ماحرك على بيض النوايا سطور
و انا مهما {’ تناسيت الزمن ’} لابد يطرالي

ودي
وممارااق

عاشت الايادي نورتي شكرا على مرورك المبدع
تحيـــــــــــــــــــــــــــــــــــاتـــــــــــــــــــــي

الله يعطيك العافيه على هذا الطرح

سلمت يداك سيدتي